Nú skúlin byrjar aftur

12. august 2016

Hhjartaliga væl aftur komin úr summarferiu 🙂 og til øll tykkum sum hava tykkara fyrsta dag, á stovninum, hjartaliga vælkomin á Miðstovnin 🙂

Vit fara ikki eftir børninun, eftir Lokna skúlatíð mánadagin 15 aug.

Vit byrja at heinta børnini týsdagin 16 aug.

v.h.

Asta

{ 0 viðmerkingar }

Facebook

11. mai 2016

Nú eru vit at finna á Facebook 🙊

Vit finnast under Midstovnurin í Gundadali  👀

Asta  😉

 

{ 0 viðmerkingar }

Gott nýttár

6. januar 2016

Góðu foreldur takk fyri gott samstarv í farna árið.  🙂

v.h.

starvsfólk

{ 0 viðmerkingar }

Avloysari :)

27. oktober 2015

Milan er farin til Serbia, at vitja familjuna.

Hann verður aftur í feb. 2016

Í hesum sambandi hava vit fingið Steingrím at arbeiða hetta tíðarskeiði.

v.h.

Asta

{ 0 viðmerkingar }

Avloysari :)

31. august 2015

Durita er komin at arbeiða hjá okkum á verkstaðnum,

í 5 vikur

meðan Anna er á Pílagrímsferð.

v.h.

Asta

{ 0 viðmerkingar }

Summarferia :)

10. juli 2015

Í dag fara vit í summarferiu, vit verða aftur í húsinum mánadagin 10.08-15
Til tykkum sum eru farin í skúla, og til tykkum øll sum hava haft tykkara seinasta dag á Miðstovninum takk fyri tíðina tit hava verið her :)
v.h.
Asta

{ 0 viðmerkingar }

{ 0 viðmerkingar }

{ 0 viðmerkingar }

Gott nýggjár :)

6. januar 2015

Vit eru aftur í húsinum.

Gott nýggjár og takk fyri tað farna.

v.h.

Asta

{ 0 viðmerkingar }

 

 Asta í Toft, leiðari bjóðaði vælkomin, og greiddi frá ymiskum praktiskum viðurskiftum:

 

¤          Vit hava opið 7.45-17.15 hvønn dag. Teir dagar skúlin hevur stongt, t.d. í heystferiuni, kunnu skúlabørnini koma á Miðstovnin allan dagin. Vit hava stongt millum jól og nýggjár, og 4 vikur um summarið. Eisini hava vit 2 ráðleggingardagar um árið.

¤          Normeringar á frítíðarskúlum eru lægri enn í barnagørðum, tó eru fleiri tímar pr. barn á Miðstovninum í mun til aðrar frítíðarskúlar. Vit hava eisini opið fleiri dagar enn aðrir frítíðarskúlar, og tí kostar tað uml 300 kr meria um mánaðin at ganga í frítíðarskúla í Miðstovninum.

¤          Børnini kunnu spæla frítt á spæliplássinum, í garðinum við síðuna av og á niðara vølli. Tí vita vit ikki altíð hvar børnini eru tá tit koma eftir teimum. Eitt álit sum vit tilvitað velja at vísa teimum.

¤         Miðstovnurin er eisini ein barnagarður, og vit hava fleiri børn við serligum tørvi. Vit leggja dent á inklusión, og halda at tað er sera gevandi fyri allar partar at hava eina breiða fjøld av børnum, bæði viðvíkjandi aldur og menning.

¤          Tá foreldur koma eftir børnum, og børnini vilja hava onkran heim við ella vilja heim við onkrum, eru tey vaksnu vælkomin at brúka telefonirnar hjá Miðstovninum. Tað er tó umráðandi, at tað eru tey vaksnu, sum tosa saman og gera avtalurnar. Hetta er fyri at tað ikki skal verða børnini, sum standa við hesi ábyrgd, og møguligum skuffilsum. Vit læra børnini at bíða, at gera avtalur inntil annað av foreldrunum eru komið á stovnin.

¤          Tá tit koma eftir børnunum, heita vit á tykkum um ikki at tosað í telefon, og at hava telefonina á ljóðleysum. Hetta er fyri at barnið skal hava kensluna av, at tað er vælkomið heim.

¤          Vit uppliva ofta, at um børnini ikki vilja heim tá foreldrini koma eftir teimum, so fara foreldrini avstað og koma aftur seinni. Hetta er tykkara egna avgerð, men tað sum vit  síggja er, at tað ikki gongur so long tíð eftir at foreldrini eru farin, so vil barnið heim kortini. Børn duga ikki at hugsa tíðina abstrakta, og eiga tí ikki at fáa hesa ábyrgd. Um tit hava tíð at bíða meðan barnið ger seg liðugt við tað tað er í holt við, eru tit vælkomin at fáa tykkum ein kaffi- ella themunn, sum er í køkinum.

¤          Um børnini hava fartelefon og/ella teldil við, skulu hesi verða í taskuni. Ofta kemur tað fyri, at børnini, tá tey koma í eina tvístøðu, ringja beinleiðis til foreldrini og vilja sleppa heim. Sum foreldur er tað sjálvsagt nærliggjandi, at koma eftir barninum, men tað er ikki so heppið, tí vit vilja fegin hjálpa barninum at loysa tvístøðurnar sum tey koma í. Tað er í tvístøðum barnið lærir og mennist. Tí vilja vit heita á tykkum foreldur, um so er, barnið ringir meðan tað er á Miðstovninum, at biðja um at tosað við ein av okkum starvsfólkum soleiðis at vit eru greið yvir hvat hendir og fáa hjálpt barninum at loysa tvístøðuna.

¤          Nógv børn ganga til ymisk frítíðarvirksemi seinnapartar, og vit vilja minna á, at tað eru tit foreldur sum samskipa og hava ábyrgd av hesum.

¤          Skiftiklæðir skulu verða í kassanum í gongini. Hvørt barn hevur fingið ein karmposa, sum vit brúka ístaðin fyri plastikposar. Um tit vilja vaksa um møguleikan at finna klæðir aftur, er eitt gott ráð at hava navn í øllum klæðunum.

¤          Vit leggja okkum eftir at verða ein grønur stovnur, og leggja dent á at skilja burturkastið. Til hetta endamál hava vit kompost kassar, og gera soleiðis okkara egnu góðu mold. Vit læra børnini at skilja burturkast, og vísa teimum gongdina. Vit vilja heita á tykkum um ikki at brúka staniol til matin hjá børnunum, tí tað tekur uml. 20 ár at niðurbróta aftur.

¤          Matpakkin hjá børnunum er tykkara ábyrgd, og vit blanda okkum ikki í hvat er í.

¤          Nógv børn gremja seg um at skúlataskan er ov tung, og vilja vit heita á tykkum at tryggja at børnini bert hava neyðug ting í taskuni. Fullir vatndunkar viga nógv, so eitt gott ráð, er at læra børnini at tøma hann.

¤         Um tað er nakað tit ivast í, eru tit vælkomin at tosað við okkum. Vit eru altíð til reiðar at hava eina samrøðu, og heita á tykkum um at brúka hendan møguleika. Eisin vilja vit seta okkum í samband við tykkum um tað er okkurt vit undrast á.

 

Asta í Toft

leiðari

 

{ 0 viðmerkingar }